سردرد منٹوں میں ختم! میرا آزمودہ
محترم شیخ الوظائف صاحب السلام علیکم! میرے پاس ایک نسخہ ہے جو میں عبقری کی نذر کرنا چاہتی ہوں یہ مجھے کسی نے بتایا تھا پہلے میں نے اسے خود آزمایا اور اسے مفید پایا۔ اگر کسی کے سر میں شدید درد ہورہا ہوتو وہ اسے کرے اور آزمائے تو سردرد منٹوں میں ختم ہو جاتا ہے۔نسخہ: سات عدد کالی مرچیں لے کر اسے چبا کر نگل لیں اور ساتھ نیم گرم دودھ کا ایک کپ پی لے سردرد منٹوں میں ختم ہو جائے گا۔ سردرد میں اگر سیب کھایا جائے تو اس سے بھی سردرد جاتا رہتا ہے۔(اقصہ جبین، لاہور)
منہ کے چھالے
میں آپ کا درس بہت شوق سے سنتی ہوں میں نے آپ کے درس میں امرود کے فوائد بارے سنا تھے۔ ایک دن میرا بیٹا جس کی عمر بیس سال ہے وہ منہ میں چھالوں اور خوراک کی نالی میں انفیکشن کی وجہ سے کافی تکلیف میں مبتلا تھا میں نے اس کو صبح نہار منہ امرود کھلانا شروع کیے اور تقریباً دس دن کے استعمال سے اس کو کافی فرق پڑ گیا۔
جسم درد کے لیے
میرے پورے بدن میں درد تھا تو میری بہن نے ایک ٹوٹکہ بتایا استعمال کیا مفید پایا۔ میتھی، سونف، سبز الائچی، کھوپرا ہموزن لے کر گرائینڈر میں پیس کر رکھ لیں اور صبح نہار منہ اور شام کھانے کے بعد ایک چمچ پانی کے ساتھ کھائیں تمام جسمانی دردوں سے نجات پائی اور معدہ قوی ہوگیا۔
روحانی ٹوٹکہ
اتوار یا بدھ کی رات نفل صلوٰۃ حاجت اس طرح پڑھے کہ فاتحہ کے بعد لقد جاء کم سورئہ توبہ کی یہ پوری آیت اکیس بار پڑھیں پھر دوسری رکعت میں بھی اکیس دفعہ پڑھیں سلام پھیرنے کے بعد بیس دفعہ درود شریف پڑھے اور پھر سجدے میں سر رکھ کر اس طرح دعا کریں کہ یا اللہ فلاں بن فلاں کو میرا تابع فرمان بنا دے اور ان کو میرے لیے مسخر کردے بحق یاودود یاودود یاودود۔( صرف جائز مقصد کے لیے استعمال کریں ورنہ نقصان ہوجائے گا۔) (شگفتہ بنت جھان بانو، پشاور)